இந்திய சிறந்த சிறுகதை - 7

இந்திய சிறந்த சிறுகதை - 7

இரண்டு புத்தகங்க

மலையாளம் - அசோகன் சருவில்.

ஒரு திருடன் திருடுவதற்கு ஒரு வீட்டைத் தேர்வு செய்கிறான். முன்னோட்டமாக அவ்வீட்டிற்குச் செல்கிறான். ஒரு பாட்டியும் தாத்தாவும் இருக்கிறார்கள். பாட்டியின் காதில் இரண்டு பெரிய நகைகள்.

' நீ யாரப்பா ...? ' வளைந்து குனிந்து கண்களுக்கு கைக்கொடுத்து கேட்கிறாள்.

' நான் யாரெனச் சொல்லும் பார்க்கலாம்...'

யோசிக்கிறாள். ' திருச்சபையிலிருந்து பாதிரியார் அனுப்பினாரா..?'

'ம்...'

' என்னால நடக்க முடியல... எப்படியாம் நான் திருச்சபைக்கு போறது. கூப்பிட்டு கூப்பிட்டு விடுகிறார்.  எனக்கொரு உதவி செய்யேன்...'

' என்ன உதவி...?'

' இந்த பைபிள் அவர் கொடுத்தது. அவர்கிட்டேயே கொடுத்திடு...'

வாங்கிக்கொள்கிறான். அடுத்து அதே வீட்டில் தாத்தா நடக்க முடியாமலிருக்கிறார். அவரிடம் செல்கிறான்.

' யாரப்பா நீ...?'

' கண்டுப்பிடிங்க பார்க்கலாம்...'

' வாலிப சங்கத்து பையனா நீ...?'

'ம்..'

' கட்சி நல்லா போய்க்கிட்டிருக்கா...?'

'ம்...'

' என்னால இப்ப கட்சியப்பத்தி யோசிக்க முடியுறதில்ல. கட்சியைப் பத்தி பலராமன் எழுதின புத்தகத்த வாசிச்சேன். இப்ப கண்ணு தெரிய மாட்டேங்குது. எனக்கொரு உதவி செய்றீயா...?'

' ம்...'

' இந்தப் புத்தகத்த பலராமனுக்கிட்ட கொடுத்திடு. அவர் வேறு யார்க்கிட்டேயும் கொடுத்து வாசிக்கச் சொல்வாரு....'

இரண்டையும் வாங்கிக்கொண்டு மதுபானக்கடைக்குச் செல்கிறான். மது அருந்துகிறான். அவனுக்கு ஒரு பெண் உதவித் தேவைப்படுகிறாள். வாடிக்கையான ஒரு பெண் கிடைக்கிறாள். அவளை அழைத்துகொண்டு மறைவான இடத்திற்கு செல்கிறாள். அவளிடம் இந்த இரண்டு புத்தகங்களையும் கொடுத்து நடந்த சம்பவங்களைச் சொல்கிறான்.

அவள் கண்கள் கலங்க கேட்கிறாள் ' அப்ப நாளைக்கு நீ அவங்கள கொன்னுடுவல்ல...?'

அவனிடம் ஒரு பதிலும் இல்லை.